ZUNFTSPIEL
| Uff Aareegig vom laider verstorbene Altvorgsetzte Joggi Grieninger hänn aigeni Zumftbrieder wo pfyffe und drummle , d Basler Mittwuch Gsellschaft als Zumftspiil abgleest, wobyy natyrlig hitte au no BMG’ler derbyy sinn. Sunscht sinn mer us allergattige Glyyge und Grubbe zämmegsetzt. Mer hänn ys e Répertoire zuegleggt mit Märsch wo ainigermasse der glyych Drummeltäggscht hänn. D’Proobe hänn am Afang im Turmzimmer vom Wirtshuus Laiezorn stattgfunde. Jetze sinn mer scho vyyli Johr Gascht im Käller vo der Alte Garde CCB, uff der Lyss.
Am Samschtig der 19. März 1977, am Zumftässe im Saal vom Wirtshuus Rialto, isch s’aige Spiil s’erscht Mool uffträtte. Aagleggt mit wysse Hemmli, schwarze Hoose und ere gääl/roote Schläggstängel Grawatte. Sytt denne sinn mer an jeedem Zumftässe, an jeeder Zumftfahrt und an spezielle Aaloss, derbyy. Laider hänn ys 6 Mitglieder vom Spiil fir immer verloo. Unterdesse hänn wider jingeri Pfyyfer und Dammbuure, wo in d’Zumft uffgnooh worde sinn, der Wääg zuen’ys gfunde. Zer Zytt sinn mer 1 Dammbuurmajor, 24 Pfyffer und 11 Dammbuure. Am 12. Mai 2007 hänn mir dä Aaloss mit em e glungene Spiilbummel in unserer Stadt, gfyyrt. Peter Köpf , Spiilchef |
|
